Ղազախստանի մայրաքաղաք Աստանան և թուրքմենական Մարի քաղաքը հայտարարվել են 2012թ. Անկախ Պետությունների Համագործակցության մշակութային մայրաքաղաքներ. նման որոշում է ընդունվել երեքշաբթի օրը ԱՊՀ անդամ պետությունների ղեկավարների ոչ պաշտոնական հանդիպմանը, գրում է ՌԻԱ Նովոստին:
Այդ քաղաքները կշարունակեն «Համագործակցության մշակութային մայրաքաղաքները» Միջպետական ծրագրի փորձնական փուլի իրականացումը` ընդունելով էստաֆետը բելոռուսական Գոմելից և ռուսական Ուլյանովսկից:
Ծրագրի հիմնական նպատակներն են միջմշակութային երկխոսության խթանումը` որպես վստահության և փոխըմբռնման հիմք, երկրների մշակութային ներուժերի միավորումը, Համագործակցության միջազգային հեղինակության բարձրացումը:
Ենթադրվում է, որ ամեն տարի ԱՊՀ-ում հայտարարվելու են երկու մշակութային մայրաքաղաքներ` մեկական ԱՊՀ մասնակից պետություններից:
