NASA-ի Կեպլեռ կոչվող աստղադիտակը հայտնաբերել է Երկրի մեծության երկու մոլորակ, որոնք պտտվում են դեղին աստղի շուրջ։ Նրանց համակարգում կա առնվազն հինգ մոլորակ։ Դրանք գտնվում են Արեգակնային համակարգից 1000 լուսային տարի հեռավորության վրա։ Այս մասին հայտնում է Ria.ru-ն։

«Կեպլեռ ծրագրի նպատակը հենց Երկրի նման մոլորակների հայտնաբերումը և ուսումնասիրումն է։ Այն, որ մենք կարողացել ենք Երկրի չափերով մոլորակներ հայտնաբերել, մեր նպատակի մեծ քայլերից է»,-ասել է գիտնականների խմբի ղեկավար Ֆրանսուա Ֆրեննին ԱՄՆ-ի աստղաֆիզիկայի կենտրոնից։

Կեպլեռ աստղադիտակը գտել է հազարավոր թեկնածու մոլորակներ, որոնցից շատերը իրենց չափերով նման են եղել Երկրին։ Վերջերս NASA-ն հաստատեց Կեպլեռ 22բ-ի պոտենցիալ բնակելի մոլորակը, որը երկու անգամ մեծ է Երկրից։

Իսկ այսօր հայտնաբերած երկու մոլորակները Կեպլեռ 20ե-ն և Կեպլեռ 20Ֆ-ը բնակեցման համար հարմար չեն, քանի որ այնտեղ աննկարագրելի տաք է՝ +727 տաքություն։