Ամերիկայի հայ դատի հանձնախումբը (ԱՀԴՀ) ողջունում է Ֆրանսիայի Ազգային Ժողովի կողմից Հայոց ցեղասպանության ժխտումը քրեականացնող բանաձևի ընդունումը:
Ինչպես նշել է ԱՀԴՀ գործադիր տնօրեն Արամ Համբարյանը, «օրինագծի ընդունումը միավորում է թուրքական իշխանությունների վրա գործադրվող միջազգային ճնշումը»:
«Ցեղասպանության վերաբերյալ օրինագծի ընդունումն ընդգծում է թուրքական ժխտողական քաղաքականությանը վերջ դնելու անհրաժեշտությունը, որը պետք է հասկանան նաև ԱՄՆ իշխանությունները»,- հայտնել է նա` ԱՄՆ նախագահին կոչ անելով ճանաչել Հայոց ցեղասպանությունը: