Իրանի նախագահ Մահմուդ Ահմադինեժադը ժամանել է Հայաստան պաշտոնական այցով: Օդանավակայանում նրան դիմավորել է ՀՀ ԱԳՆ ղեկավար Էդվարդ Նալբանդյանը, որից հետո ՀՀ նախագահի նստավայրում տեղի է ունեցել երկկողմ հանդիպում:
Իրանի նախագահի Հայաստան այցի շրջանակներում կքննարկվեն Մեղրիի ՀԷԿ-ի կառուցման ժամկետները, այլ նախագծեր: Հայաստանն ու Իրանը մտադիր են Հարավային Կովկասում երկու ամենահզոր ՀԷԿ կառուցել՝ հայկական կողմից Մեղրիում, իսկ իրանական կողմից՝ Քարաչիլարում: Կայաններից յուրաքանչյուրն ամեն տարի կարտադրի 793 մլն կՎտ/ժ էլեկտրաէներգիա: