Ռուսաստանը չի բացառում ղարաբաղյան հակամարտության կարգավորումն ի նպաստ ադրբեջանցիների, ինչը թույլ կտա վերականգնել հարաբերությունները երկու երկրների միջև, սակայն արդյունքում ՌԴ-ն ընդմիշտ կկորցնի Հայաստանը: Երևանում կայացած մամլո ասուլիսում նման կարծքի է հայտնել Արցախի ԱԳ նախկին նախարար Արման Մելիքյանը: Ինչպես նշել է Մելիքյանը, Ռուսաստանը վերջերս կորցնում է դիրքերը ավանդաբար ռուսամետ երկրներում, օրինակ, Սիրիայում ու Լիբիայում: «ՌԴ դիրքերը սպառալիքի տակ են: Արևմուտքի քննադատությունը, որ հաջորդեց Պետդումայի ընտրություններին, վկայում է այն մասին, որ Արևմուտքը չի ընկալում Ռուսաստանին որպես հավասար գործընկեր»,-նշել է Մելիքյանը: Վերջում նա հավելել է, որ Հարավային Կովկասում ազդեցությունը պահպանելու համար Ռուսաստանը չպետք է սխալ քայլեր անի, այլ պետք է առավել կշռադատված քաղաքականություն վարի:
