Ֆրանսիայի ԱԳՆ-ն կոչ է արել Իրանին չփակել Օրմուզի նեղուցը, եթե Իրանի նավթի արտահանման հարցում պատժամիջոցներ սահմանվեն: Այդ մասին հայտարարել է նախարարության մամլո քարտուղար Բերնար Վալերոն, հաղորդում է «ՌԻԱ Նովոստի» գործակալությունը:
Նախօրեին Իրանի փոխնախագահ Մոհամմադ Ռեզա Ռահիմին հայտարարել է, որ նեղուցը կփակվի նավթի տեղափոխման համար, եթե պատժամիջոցներ սահմանվեն:
«Ինչպես և մարդու իրավունքների և միջուկային չտարածման դեպքում, մենք կոչ ենք անում Իրանին պահպանել միջազգային իրավունքն ու նավագնացության ազատությունը»,-հայտարարել է Բերնար Վալերոն:
Նա հիշեցրել է, որ Օրմուզի նեղուցը միջազգային տարածք է համարվում: «Հետևաբար, անցնելու իրավունք ունեն բոլոր երկրների նավերը»: