Հայ Առաքելական եկեղեցու «Հասկ» հոգևորալուսավորչական ամսագրի խմբագիր, Մեծի Տանն Կիլիկիո կաթողիկոսության հաղորդակցության և տեղեկատվության դեպարտամենտի տնօրեն, վարդապետ Գրիգոր Չիֆթչյանը Արամ Առաջինի կոնդակով նշանակվել է ՀԱԵ Ատրպատականի (Իրան) թեմի առաջնորդ: Չիֆթչյանը ծնվել է 1969թ. Բեյրութում: Եկեղեցու սպասավոր է դարձել 1990թ.: Նա դասավանդել է կաթողիկոսության ճեմարանում, գլխավորել է Բեյրութի «Թռչնոց բույն» որբանոցը: Արամ Առաջինը նշանակել է նաև ՀԱԵ նոր հոգևոր տեսուչին Վենեսուելայում: Այդ առաքելությունը կկատարի 36-ամյա վարդապետ Պարթև Կուլիմյանը, որը ՀԱԵ ծեսերին նվիրված մի շարք աշխատությունների հեղինակ է, հայտնում է «Բլագովեստը»: