Հայ նետաձիգները նախապատրաստվում են 2012թ. խաղաշրջանին ԲԿՄԱ-ի մարզական կենտրոնում:
Հայաստանի հավաքականի գլխավոր մարզիչ Բորիս Վասիլյանը ՀԱՕԿ-ի պաշտոնական կայքին ասել է, որ մայիսի 21-26-ը Ամստերդամում տեղի կունենա Եվրոպայի առաջնությունը, որը վարկանիշային կլինի:
Առաջնությանը կմասնակցեն Եվրոպայի ուժեղագույն մարզիկները, առաջին երեք տեղերը զբաղեցնողները կստանան օլիմպիական ուղեգրեր: Հայաստանը հավանաբար կներկայացնեն չորս նետաձիգներ՝ Վասիլ և Գոհար Շահնազարյանները, Արշակ Պետրոսյանն ու Նունե Վասիլյանը: Առաջին փուլում նրանք կմասնակցեն 70+70 մետր մրցաձևում: