Հայաստանում ԵՄ առաքելությունը, ԵԱՀԿ հետ համատեղ, իրականացնում է Հայաստանում թափանցիկ և արդար խորհրդարանական ընտրությունների անցկացման ծրագիր: Ծրագրի իրականացման համար, ԵՄ-ն ԵԱՀԿ-ին տրամադրելու է 1.7 մլն եվրո:
«Ծրագրի նպատակն է ընտրության գործընթացում քաղաքացիական հասարակության դերի բարձրացումը, ընտրատեղամասերին համապատասխան սարքավորումների ապահովմամբ, ինչպես նաև թրենինգների և սեմինարների կազմակերպումը` ընտրողների տեղեկացվածությունը բարձրացնելու համար»,-հայտարարել է Հայաստանում ԵՄ առաքելության նախագահ Տրայան Խրիստեան:
Այս համատեքստում Խրիստեան ընդգծել է, որ «Հայաստանի և ԵՄ հարաբերությունների զարգացումը, մասնավորապես «արևելյան համագործոկցությունը», կախված է թափանցիկ ընտրությունների անցկացումից»: Անդրադառնալով գումարի բաշխմանը, Խրիստեան նկատել է, որ ԵՄ-ն իր գումարը կփոխանցի ԵԱՀԿ-ին, որն իրականացնելու է ծախսերի կառավարում:
