«Սոչիի հայերի միություն» ՀԿ-ն դիմել է ՌԴ հայկական կառույցներին աջակցել ստորագրահավաքին՝ ի օգուտ Հայոց ցեղասպանության ժխտումը քրեականացնող օրինագծի ընդունման:
Տարեսկզբից ՌԴ 20 սուբեյկտներում ստորագրահավաք է ընթանում, ուղղված ՌԴ քաղաքացիներին ու ՌԴ Պետդումայի պատգամավորներին: Առաջարկվում է օրենք մշակել, որով քրեական պատիժ կսահմանվի Հայոց ցեղասպանության և նացիզմի հանցագործությունների ժխտման համար:
Ըստ հունվարի 16-ի տվյալների, ակցիային 6 օրում սատարել է 23 ՀԿ, 5 տպագիր հրատարակություն և 10 ինֆորմացիոն ինտերնետ ռեսուրս:
«Սոչիի հայերի միությունը» նաև առաջարկել է Ռուսաստանի հայկական կազմակերպություններին ու տեղեկատվական միջոցներին դիտարկել մի կառույցի ստեղծման հնարավարությունը, որը կհամակարգի Հայոց ցեղասպանության 100-ամյակին նվիրված միջոցառումների կազմակերպումն ու անցկացումը:
