Ֆրանսիայի նախագահ Նիկոլյա Սարկոզին կստորագրի Հայոց ցեղասպանության ժխտումը քրեականացնող օրինագիծը: Այդ մասին Երևանում կայացած մամլո ասուլիսում հայտարարել է քաղաքագետ Սերգեյ Մինասյանը:
«Դա տեխնիկական հարց է և պարզ է, որ առանց Նիկոլյա Սարկոզիի քաղաքական կամքի որոշումը չէր կայացվի»,-ասել է նա: Մինասյանը նաև չի բացառել, որ առաջիկա տարիներին Հայոց ցեղասպանության ժխտումը քրեականացնող օրենքը նույնիսկ կարող է խստացվել:
Հունվարի 23-ին Ֆրանսիայի Սենատը կողմ է քվեարկել ցեղասպանությունների,այդ թվում` Հայոց ցեղասպանության ժխտումը քրեականացնող օրինագծին: Ընդհանուր առմամաբ քվեարկել են 213 սենատորներ, որոնցից 127-ը «կողմ», 86-ը «դեմ»: Օրինագիծը ժխտման համար նախատեսում է 1 տարվա ազատազրկում և 45 հազար եվրո տուգանք:
2011թ դեկտեմբերին օրինագիծն ընդունվել էր Ֆրանսիայի ԱԺ կողմից: