Հայ գրոսմայստեր Լևոն Արոնյանը Վեյկ-ան-Զեեում «Տատա սթիլ» շախմատի սուպերառաջնությունում սպիտակ ֆիգուրներով հաղթել է Ֆաբիանո Կարուանային (Իտալիա): Այդ մասին հաղորդում է առաջնության պաշտոնական կայքը: Այդ հաղթանակի շնորհիվ Արոնյանը 5,5 միավոր է վաստակել և պահպանել առաջատարությունը մրցաշարում:

Մեր գրոսմայստերի հիմնական մրցակիցը մրցաշարում հաղթելու հարցում դանիացի Մագնուս Կարլսենն է, որը դեռ չի ավարտել իր պարտիան Սերգեյ Կարյակինի հետ: