Մոռանալով սեփական անցյալը՝ Թուրքիան առաջ է մղում այսպես կոչված «Խոջալուի ցեղասպանությունը»
Մոռանալով սեփական ոճրագործությունների մասին՝ Թուրքիան առաջ է մղում այսպես կոչված «Խոջալուի ցեղասպանություն» հասկացությունը: Այն բանից հետո, երբ հունվարի 23-ին Ֆրանսիայի Սենատը ընդունեց Հայոց ցեղասպանության ժխտումը քրեականացնող օրինագիծը, վիրավորված թուրք քաղաքական գործիչները փորձում են մեղադրել Հայաստանին «Խոջալուում ցեղասպանություն գործելու մեջ»: Ինչպես հայտարարել է Թուրքիայի ԱԶԿ գլխավոր քարտուղար Հալյուկ Իպեկը, թուրքական խորհրդարանն այս տարի լուրջ քայլեր կձեռնարկի այսպես կոչված «Խոջալուի ցեղասպանության» միջազգային ճանաչման համար:
«Թուրքիան ամեն ինչ կանի դրա համար»,-ասել է Իպեկը՝ հավելելով, որ այդ ուղղությամբ արդեն կան որոշակի հաջողություններ:
