Ամերիկայի Հայ Դատի հանձնախումբը քննադատել է ԱՄՆ պետքարտուղարի` Ֆրանսիայի Սենատի կողմից ցեղասպանությունների, այդ թվում` Հայոց ցեղասպանության ժխտումը քրեականացնող օրինագծի վերաբերյալ դիրքորոշումը:
«Քլինթոնի հայտարարությունն այն մասին, թե Հայոց ցեղասպանության ընդունումը «վտանգավոր դուռ» է բացում, նպաստում է ցեղասպանության փաստի ժխտմանը»,-այս առնչությամբ հայտարարել է կոմիտեի գործադիր տնօրեն Արամ Աբրահամյանը: Հունվարի 23-ին Ֆրանսիայի Սենատը կողմ է քվեարկել ցեղասպանությունների, այդ թվում` Հայոց ցեղասպանության ժխտումը քրեականացնող օրինագծին: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Ինչպես հաղորդել են Ելիսեյան դաշտերից, նախագահն օրինագիծը կստորագրի 14 օրվա ընթացքում:
