Իրանը կարող է հարստացնել ուրանի բավական քանակություն մեկ տարվա ընթացքում ատոմային ռումբ արտադրելու համար: Այդ մասին հայտարարել է ԱՄՆ պաշտպանության նախարար Լեոն Պանետան:
Պանետան, ելույթ ունենալով ամերիկյան հեռուստատեսությամբ, նշել է, որ «ԱՄՆ-ն անհրաժեշտ ամեն ինչ կանի, որպեսզի Իրանն ատոմային զենք չունենա»:
Իրանի ատոմային օբյեկտների վրա հնարավոր հարձակման մասին հարցին նա պատասխանել է. «Եթե իրավիճակը պահանջի Իրանի օբյեկտների դեմ ռազմական գործողության անցկացում, ապա մենք կանցկացնենք նման գործողություն»: