Եթե ԱՄՆ-ն ռազմական գործողություն սկսի Իրանի դեմ, իրանցի փախստականների հոսքը հարևան երկրներ առավելապես կազդի Ադրբեջանի վրա: Այդ մասին հայտարարել է ԵՊՀ արևելագիտության ֆակուլտետի դեկանի տեղակալ Վարդան Ոսկանյանը Երևան-Մոսկվա տեսակամրջի ժամանակ: Ըստ նրա, դա պայմանավորված է Իրանի հյուսիսում թրքալեզու բնակչության առկայությամբ:

Ոսկանյանը հիշեցրել է, որ WikiLeaks-ի համաձայն, Ադրբեջանի ղեկավարությունը շատ է մտահոգված դրանով՝ վախենալով իսլամական գործոնի ուժեղացումից: