ՖԻՖԱ-ն ֆինանսապես կօգնի Եգիպտոսի առաջնության ժամանակ տեղ գտած անկարգությունների զոհերին
ՖԻՖԱ-ն ֆինանսական աջակցություն կցուցաբերի Եգիպտոսի առաջնության «Ալ-Մասրի» - «Ալ-Ահլի» հանդիպումից հետո տեղ գտած անկարգությունների զոհերին:
Բոլոր միջոցները կփոխանցվեն բարեգործական հիմնադրամ, որը բացվել է Կահիրեի ակումբի կողմից:
Փետրվարի 1-ին Պորտ-Սայիդի մարզադաշտում տեղական «Ալ-Մասրի» և Կահիրեի «Ալ-Ահլի» ակումբի միջև հանդիպումից հետո տեղ գտած կռիվների արդյունքում զոհվել է առնվազն 73 մարդ, հարյուրավոր մարդիկ տուժել են:
Խաղից հետո, որում 3:1 հաշվով հաղթանակ տարավ «Ալ-Մասրին», հաղթողի երկրպագուները դաշտ են դուրս վազել ուրախանալու, նույն տեղն են վազել նաև պարտված թիմի երկրպագուները: Պահակներն ու ոստիկանությունը չեն կարողացել զսպել երկրպագուներին: Զանգվածային կռիվ է բորբոքվել: Ընդհանուր առմամբ մարզադաշտում մոտ 40 հազ. հանդիսատես կար:
