ԵՄ հատուկ ներկայացուցիչ Ֆիլիպ Լեֆորը Բաքու այցելության ժամանակ հանդիպել է Ադրբեջանի նախագահի, ԱԳ, արդարադատության ու ազգային անվտանգության նախարարների հետ, լրագրողներին է հայտնել ԵՄ Բաքվի գրասենյակի ղեկավար Ռոլանդ Կոբիան: Ըստ նրա, հանդիպումների հիմնական թեման եղել է ղարաբաղյան հակամարտությունը:
«ԵՄ արտաքին հարաբերությունների գծով գերագույն ներկայացուցիչ Քեթրին Էշթոնն Ադրբեջան կատարած այցի ժամանակ հաստատել է, որ ԵՄ-ն ցանկանում է առավել ակտիվ դեր կատարել ղարաբաղյան կարգավորման գործում»,-հիշեցրել է Կոբիան:
Ըստ նրա, ԵՄ-ն սատարում է ՄԽ նպատակներին, սակայն, միևնույն ժամանակ պատրաստ է առաջարկել նոր գաղափարներ, նպաստելու համար հակամարտության կարգավորմանը:
«Այդ գաղափարներն մինչ օրս քննարկվում են Ադրբեջանի ու Հայաստանի կառավարությունների հետ»,-ասել է Կոբիան:
