Ալ Պաչինոն արժանացել է մրցանակի`արվեստի և հումանիտար ոլորտներում նվաճումների համար
Հայտնի հոլիվուդյան դերասան Ալ Պաչինոն արժանացել է մրցանակի`արվեստի և հումանիտար ոլորտներում նվաճումների համար, որն ամեն տարի շնորհվում է նախագահ Բարաք Օբամայի կողմից, հայտնում է ՌԻԱ Նովոստին:
«Ալ Պաչինոն պարգևատրվել է ամերիկյան կինոյում և թատրոնում ունեցած դերասանական և ռեժիսորական նվաճումների համար: Նա ամերիկյան արվեստի խոշորագույն գործիչների ցուցակում զբաղեցնում է իր ուրույն տեղը»,-ասվում է փաստաթղթում, որն ընթերցվել է արարողության ընթացքում:
Պաչինոյի ամենահայտնի դերասանական աշխատանքներն են «Սպիով դեմքը», «Կնքահայրը», «Կնոջ բուրմունքը» և այլն, նա նաև բազմաթիվ դերեր է խաղացել թատրոնում:
2011թ մրցանակակիրների թվում են նաև Էմիլի Պուլիտցերը և Մել Տիլլիսը:
