Մարտի սկզբին Հայաստան կժամանեն Լեռնային Ղարաբաղի հակամարտության կարգավորման գծով ԵԱՀԿ Մինսկի խմբի համանախագահները: Այս տեղեկատվությունը PanARMENIAN.Net-ի թղթակցի հետ զրույցում հաստատել է ՀՀ ԱԳՆ մամլո քարտուղար Տիգրան Բալայանը: Հայաստան կժամանեն Իգոր Պոպովը (Ռուսաստան), Ժակ Ֆորը (Ֆրանսիա) և Ռոբերտ Բրադտկեն (ԱՄՆ):
ԵԱՀԿ ՄԽ համանախագահները հանդիպումներ կանցկացնեն Հայաստանի նախագահ Սերժ Սարգսյանի և արտաքին գործերի նախարար Էդվարդ Նալբանդյանի հետ: