Հունաստանի մշակույթի նախարար Պավլոս Գերուլանոսն ուրբաթ օրը հրաժարական է տվել այն բանից հետո, երբ նույն օրը առավոտյան կողոպտվել է Օլիմպիայի հնագիտական թանգարանը : Այդ մասին հաղորդում է CNN-ը՝ մեջբերելով Հունաստանի վարչապետ Լուկաս Պապադեմոսի մամլո ծառայությունը:Կողոպուտը տեղի է ունեցել Օլիմպիայի հնագիտական թանգարանում, որը գտնվում է տարածքում, որտեղ ծնվել են և առաջին անգամ տեղի ունեցել օլիմպիական խաղերը: Օլիմպիայի քաղաքապետ Տիմիոս Կոտցիասի խոսքով, անհնար է գնահատել 68 գողացված օբյեկտների գինը, քանի որ դրանց արժեքն անգնահատելի է: