ԱՄՆ ու ԵՄ ԱԳ գերատեսչությունների ղեկավարները «զգուշավոր լավատեսությամբ» են մոտենում բանակցությունները վերսկսելու Իրանի առաջարկին: Ինչպես հայտնում է «Ռոյթերս» գործակալությունը, նման նախաձեռնություն կար Թեհրանի նամակում, որն ուղղված էր ԵՄ արտաքին գործերի ու անվտանգության քաղաքականության գծով գերագույն ներկայացուցիչ Քեթրին Էշթոնին:
ԱՄՆ պետքարտուղար Հիլարի Քլինթոնն ու Քեթրին Էշթոնը գտնում են, որ իրանական կողմի նամակը բավականին մեծ քայլ է առաջ:
«Մենք ողջունում ենք այդ նախաձեռնությունը»,-ասել է Քլինթոնը:
Նա հավելել է, որ արևմտյան երկրները դեռ մշակում են Իրանի ուղերձին պաշտոնական պատասխանի տեքստը: