Դոնեցկի «Շախտյորի» գլխավոր մարզիչ Միրչա Լուչեսկուն պատմել է իր վերականգնման մասին վթարից հետո և հասկացնել է տվել, որ լիովին կենտրոնացել է իր մարզչական պարտականություններն իրագործելու վրա:

«Ամեն ինչ նորմալ է ընթանում: Բժիշկները թույլ են տվել միանալ թիմի թուրքական հավաքին մի պայմանով, որ կկատարի նրանց հրահանգները: Կարելի է ասել, որ Անթալիայում թիմը կատարում է իմ հրահանգները, իսկ ես էլ` բժիշկներինը»,-Լուչեսկուի խոսքը հայտնում է championat.ru-ն:

Ըստ մարզչի, նրա համար ներկայումս կարևոր է այն, որ թիմը լավ նախապատրաստվի և հաղթի Ուկրաինայի առաջնությունում: