Բուլղարիան ցանկանում է օգտագործել Բալկաններում ՆԱՏՕ-ի եւ ԵԱՀԿ-ի «գերազանց համագործակցության» փորձը Հարավային Կովկասի եւ Կենտրոնական Ասիայի տարածաշրջաններում: Այդ մասին, ինչպես հաղորդում է «Մեդիամաքս» գործակալությունը, հայտարարել է ԵԱՀԿ գործող նախագահ, Բուլղարիայի արտգործնախարար Սողոմոն Պասսին` ՆԱՏՕ-ի գլխավոր քարտուղար Յաափ դե Հուփ Շեֆֆերի հետ Բրյուսելում կայացած հանդիպման ժամանակ: Պասսիի խոսքերով, այս գաղափարն ընդունվել է ՆԱՏՕ-ի մասնակից երկրների դեսպանների կողմից` այդ կազմակերպության Խորհրդի վերջին նիստի ժամանակ: