ԱՄՆ իշխանությունները բանակցություններ են վարում Եգիպտոսի հետ ամերիկյան հասարակական կազմակերպությունների աշխատակիցներին հայրենիք վերադարձնելու հնարավորության շուրջ, այդ կազմակերպությունները մեղադրվում են երկրում հակաօրինական քարոզչական գործունեություն վարելու մեջ, հաղորդում է ԻՏԱՐ-ՏԱՍՍ-ը:
Այսօր Կահիրեում կսկսվի այդ գործով մեղադրյալների հանդեպ դատավարությունը, նրանց կառաջադրվեն պաշտոնական մեղադրանքներ, այդ թվում՝ խռովություն հրահրելու նպատակով օտարերկրյա միջոցների ապօրինի օգտագործման մեջ: Գործով անցնում է 43 հոգի, այդ թվում՝ 16 ամերիկացի, 16 եգիպտացի, ինչպես նաև ԳՖՀ, Սերբիայի, Հորդանանի քաղաքացիներ և պաղեստինցիներ: