«Ռուսաստանը ողջունում է հանրաքվեի անցկացումը Սիրիայում նոր սահմանադրության նախագծի վերաբերյալ, դա վերջ կտա իշխող կուսակցության մոնոպոլիային ու քայլ կլինի դեպի հետագա ժողովրդավարացում»,-հայտարարել է ՌԴ ԱԳ նախարար Սերգեյ Լավրովը, հայտնում է ՌԻԱ Նովոստին:
Սիրիայի կառավարությունը հանրաքվե է անցկացրել նոր սահմանադրության վերաբերյալ, չնայած չդադարող բռնություններին: Առնվազն 30 մարդ է զոհվել կիրակի օրը:
Նոր սահմանադրությամբ նախատեսվում է բազմակուսակցական խորհրդարանական ընտրությունների անցկացում երեք ամսվա ընթացքում: Ընդդիմությունը բոյկոտել է հանրաքվեն: