Կամ Պուտինը, կամ Մեդվեդևը անպայման ներկա կգտնվեն Լոնդոնի Օլիմպիական խաղերին: Ինչպես հայտնում է ՌԻԱ Նովոստին, այս մասին Պուտինը հայտնել է արևմտյան պատգամավորների հետ հանդիպմանը:
«Տեսնենք, մեզ մոտ կառավարության ձևավորման ամենաակտիվ շրջանն է: Ես հաճույքով կմեկնեի Օլիմպիական խաղերին: Ինձ դա հետաքրքիր է: Սակայն կմեկնի մեզանից մեկը` կամ ես, կամ պարոն Մեդվեդևը»,-հայտարարել է Պուտինը:
«Ընդհանուր առմամբ հետաքրքիր կլինի տեսնել, թե ինչպես են Մեծ Բրիտանիան և Լոնդոնը կազմակերպում Օլիմպիական խաղերը:
Մեզ համար դա կիրառական նշանակություն ունի` հաշվի առնելով, որ մենք Սոչիում անցկացնելու ենք ձմեռային Օլիմպիական խաղեր»,-ընդգծել է Ռուսաստանի վարչապետը:
Լոնդոնի Օլիմպիական խաղերը կկայանան հուլիսի 27-օգոստոսի 12: Դրանից հետո` օգոստոսի 29-սեպտեմբերի 9 կկայանան Պարալիմպիական խաղերը:
