Հայաստանի նախագահ Ռոբերտ Քոչարյանը շնորհավորական ուղերձ է հղել Իրանի հոգեւոր առաջնորդ այաթթոլա Ալի Խամենեիին եւ երկրի նախագահ Մոհամմադ Խաթամիին` Իսլամական հեղափոխության 25-րդ տարեդարձի կապակցությամբ: «ԻՐՆԱ» գործակալության հաղորդագրության համաձայն, Ռ.Քոչարյանը համոզվածություն է հայտնել, որ երկու երկրների բարեկամական կապերը, հիմնված հարուստ ավանդույթների վրա, հաջողությամբ եւ հետեւողականորեն կզարգանան ինչպես քաղաքականության եւ տնտեսության, այնպես էլ` մշակույթի ոլորտում: