Երևանում ավարտվել է «Ժառանգություն» կուսակցության 7-րդ համագումարը, որը բանաձև է ընդունել, որում կոչ է անում ազգային-ժողովրդավարական ուժերին և քաղաքացիական հասարակությանը «համարձակ և համատեղ քայլեր ձեռնարկել էական համախմբան համար՝ կիրառելով բոլոր հնարավոր միջոցները՝ ընտրություններից մինչև հանրային միասնություն»:
Կուսակցության առաջնորդ Րաֆֆի Հովհաննիսյանը սուր քննադատության է ենթարկել իշխանությունների ներքին և արտաքին քաղաքականությունը, մասնավորապես ՀՀ նախագահ Սերժ Սարգսյանին և իշխող ՀՀԿ-ին:
Չնայած մամուլում շրջանառվող լուրերին՝ համագումարում չի հայտարարվել «Ժառանգության» և «Ազատ դեմոկրատների» միության մասին, թեև կուլուարներում հաստատվել է, որ դրա մասին պայմանավորվածություն կա և մնացել ձևակերպել այն: