Ռուսաստանի նախագահի առաջիկա ընտրություններին կհետեւեն նաեւ դիտորդներ Հայաստանից: Ինչպես հաղորդել է ԱՊՀ Գործադիր կոմիտեի փոխնախագահ Անատոլի Գոլովատին, այսօրվա դրությամբ հավատարմագրվել է 134 դիտորդ Ռուսաստանից, Բելառուսից, Ուկրաինայից, Տաջիկստանից, Հայաստանից, Ադրբեջանից, Վրաստանից եւ Ղազախստանից: Ընդ որում, նա չի բացառել, որ այդ թիվը կավելանա մինչեւ 200-ը, հաղորդում է ՌԻԱ «Նովոստի» գործակալությունը: Դիտորդների նման թիվը թույլ կտա ընտրությունների դիտարկում անցկացնել ՌԴ բոլոր 88 սուբյեկտներում, նշել է նա: