ՄԱԿ նախկին գլխավոր քարտուղար, իսկ այժմ Սիրիայի կարգավորման հարցով ՄԱԿ ու ԱՊԼ հատուկ դեսպանորդ Քոֆի Անանը սկսել է սիրիական կարգավորման առաքելությունը:
Չորեքշաբթի նա ժամանել է Կահիրե, որտեղ հաջորդ օրը հանդիպել է ԱՊԼ գլխավոր քարտուղար Նաբիլ ալ Արաբիի և եգիպտական ԱԳՆ ղեկավարի հետ:
Քոֆի Անանը նաև հանդիպումներ է անցկացնում մի շարք արաբական երկրների ԱԳ նախարարների հետ:
«Ցանկանում եմ նշել, որ դա շատ ծանր առաքելության մեկնարկ է: Պարոն Անանը այժմ որոշում է բանակցությունների ձևաչափը»,-ասել է Անանի մամլո քարտուղար Ահմադ Ֆավզին:
Շաբաթ օրը նախատեսվում է Քոֆի Անանի հանդիպումը Սիրիայի նախագահ Բաշար Ասադի հետ: