Ընկերությունն իր որոնողական համակարգի գլխավոր էջում կանանց միջազգային տոնի կապակցությամբ տոնական լոգոտիպ է տեղադրել
Google ընկերությունն իր որոնողական համակարգի գլխավոր էջում կանանց միջազգային տոնի կապակցությամբ տոնական լոգոտիպ (Doodle) է տեղադրել: Այն գունազարդ լոգոտիպ է գեղեցիկ գրաֆիկական պատկերներով՝ կնոջ սեռը ցուցանող նշան, ծաղիկ։
Մարտի 8-ը Կանանց միջազգային օրն է, երբ նշվում են կանանց նվաճումները քաղաքական, տնտեսական և սոցիալական ոլորտներում: Տոնը նշվում է ՄԱԿ-ի կողմից, իսկ որոշ երկրներում (Հայաստան, Ռուսաստան, Ադրբեջան, Բելառուս, Ուկրաինա) այդ տոնը ազգային տոն է:
1910թ Կոպենհագենում կայացել է Աշխատող կանանց 2-րդ միջազգային կոնֆերանսը: Կլարա Ցետկինն առաջարկեց տոնել Կանանց միջազգային տոնը: Նա առաջարկել է, որ Կանանց օրը տոնվի ամեն տարի նույն օրը բոլոր երկրներում: Այս օրը Ցետկինը առաջարկել է տոնել որպես կանանց` իրենց իրավունքների համար պայքարի օր:
Այս օրը բոլոր մայրցամաքների կանայք, ովքեր տարբերվում են լեզվային, էթնիկ, մշակութային, տնտեսական և քաղաքական առանձնահատկություններով, հնարավորություն ունեն հավաքվելու և հիշելու 9 տասնամյակների ընթացքում` հավասարության, արդարության, խաղաղության և զարգացման համար մղվող պայքարը:
