London Chess Classic առաջնության տնօրեն Մալքոլմ Փեյնը հայտնել է, որ այս տարվա դեկտեմբերին ծրագրված թվով չորրորդ մրցաշարի անցկացումը կասկածի տակ է:

Դա կապված է հավակնորդների մրցաշարի հետ, որը տեղի կունենա Լոնդոնում հոկտեմբերի 24-ից նոյեմբերի 12-ը: «Թեև որոշ շախմատիստներ արդեն հասկացրել են, որ կմասնակցեն մեր մրցաշարին, ես վստահ չեմ, որ հանրությանն ու ԶԼՄ-ներին հետաքրքիր կլինի Լոնդոնում իրար հետևից երկու էլիտար առաջնության ականատեսը դառնալ»,- ասել է Փեյնը, հաղորդում է chess-news.ru-ն: