Արևի ակտիվության կտրուկ աճը, որտեղ վերջին օրերին տեղի են ունեցել երկու հզոր բռնկումներ, սպառնալիք չեն ներկայացնում Միջազգային տիեզերակայանի անձնակազմի անդամների համար, հաղորդում է ՆԱՍԱ-ն:
«Արևային բռնկումները սպառնալիք չեն ներկայացնում ոչ ՄՏԿ, ոչ նրա անձնակազմի համար: Հյուսթոնում թռիչքների կառավարման կենտրոնի բժիշկները մշտապես հետևում են ճառագայթման մակարդակին, որը ներկա պահին գտնվում է նորմայի սահմաններում»,- ասվում է ՆԱՍԱ-ի հաղորդագրությունում:
Մարտի 5-ին և 7-ին Արևի վրա տեղի են ունեցել երկու հզոր ռենտգենյան բռնկումներ, որոնք ուղեկցվել են շուրջերկրյա տարածությունում լիցքավորված մասնիկների հոսքի կտրուկ աճով: