ԵԽԽՎ պատգամավորները մտադիր են բանտում անձնական հանդիպման հասնել Ուկրաինայի նախկին վարչապետ Յուլիա Տիմոշենկոյի հետ: Եվրոպական ազգային կուսակցության ղեկավար Լուկա Վոլոնտեի խոսքով, ուկրաինական իշխանությունները մշտապես հավաստիացրել են Ստրասբուրգին, որ հոդվածները, որոնցով դատվել է Տիմոշենկոն, ապաքրեականացվելու են:
«Պարզվեց, որ իրականում Կիևը նման մտադրություն չունի և իշխող կուսակցությունը հրաժարվել է համապատասխան օրենսդրական ուղղումներ մտցնել»,- ասել է Վոլոնտեն:
«ԵԽԽՎ զեկուցողները, ովքեր հաջորդ շաբաթ մեկնելու են Ուկրաինա, պետք է հնարավորություն ստանան այցելել Տիմոշենկոյին և գնահատել պայմանները, որոնցում նա գտնվում է»,- ասել է խորհրդարանականը: