Ռուսական ԱԷԿ-երի անվտանգության բարձրացման համար լրացուցիչ սարքավորումների մատակարարումները կավարտվեն ապրիլ-մայիսին: Այդ նպատակով «Ռոսատոմ» պետական կորպորացիան հատկացրել է ավելի քան 15 մլրդ ռուբլի, հաղորդել է Պետդումայի տնտեսական քաղաքականության, նորարարական զարգացման և ձեռնարկատիրության հարցերով հանձնաժողովի նախագահի տեղակալ Վալերի Յազևը:
Պատգամավորը նշել է, որ «Ֆուկուսիմա» ԱԷԿ-ի վթարից հետո «Ռոսատոմը» սկսել է ատոմային օբյեկտների ստուգումներ և սթրես-թեստեր անցկացնել: «Յուրաքանչյուր ռուսական ԱԷԿ անցել է առնվազն չորս ստուգում, ներառյալ միջազգային ստուգումները»,- ասել է Յազևը: