ԳԴՀ կանցլեր Անգելա Մերկելն անսպասելի ժամանել է Աֆղանստան: Գերմանիան Աֆղանստանում Անվտանգության աջակցության միջազգային ուժերի մեծությամբ երրորդ մասնակիցն է: Մերկելի այցը տեղի է ունենում սկանդալի ֆոնին, որը հրահրվել է 16 խաղաղ բնակիչների գնդակահարությամբ, որը կիրակի օրը կատարել է ամերիկացի զինվորը: Զինվորականը, անցնելով տնից տուն, սպանել է իրեն հանդիպած բոլոր աֆղանացիներին:
«Միջազգային ուժերը ցավակցություն են հայտնում զոհերի ընտանիքներին: Մենք խոստանում ենք քաջարի աֆղան ժողովրդին կատարել միջադեպի արագ և մանրազնին հետաքննություն»,- հայտարարել է միջազգային կոալիցիայի ներկայացուցիչ Կարստեն Յակոբսոնը:
Ինչպես ասում են աֆղանական իշխանությունների ներկայացուցիչները, այս միջադեպը կարող է ձախողել Վաշինգտոնի և Քաբուլի միջև համաձայնագրի ստորագրումը, որի համաձայն ԱՄՆ զորքերը կարող էին Աֆղանստանում մնալ երկար տարիներ:
