Ամերիկյան զինվորականները մշակել են զենքի նոր տեսակ` բարձր հաճախականության էլեկտրամագնիսական ճառագայթներ` մինչև 1կմ խոցման շառավղով:

Չթռչող զինատեսակների միավորված տնօրինության ղեկավար Թրեյսի Թաֆոլլայի խոսքով` «Ցավի ճառագայթը», ինչպես այն կնքել են Պենտագոնում, «սպառազինության ամենաանվտանգ տեսակն է»: «Դուք չեք կարողանա ո'չ տեսնել այն, ո'չ լսել, բայց դուք այն կզգաք»,- ասել է նա` հավելելով, որ ջերմային ճառագայթները ռետինե փամփուշտներից և արցունքաբեր գազից անվտանգ են: Դրանք մարդկանց չեն սպառնում քաղցկեղով և վնաս չեն հասցնի անգամ հղի կանանց: