Սիրիական ընդդիմության ներկայացուցիչները հայտնում են, որ որոշ օտար պետություններ օգնում են իրենց զինել սեփական մարտական ստորաբաժանումները, երկուշաբթի օրը հաղորդում է Reuters գործակալությունը:
Ստամբուլում մամլո ասուլիսի ժամանակ Սիրիայի ազգային խորհրդի (ՍԱԽ) ներկայացուցիչ Ջորջ Սաբրան հաղորդել է, որ ընդդիմությունը հատուկ համակարգման բյուրո է ստեղծել, որը զենք է մատակարարում Բաշար Ասադի վարչակարգի դեմ պայքարող մարտիկներին` օգտվելով օտար երկրների օգնությունից, հաղորդում է ՌԻԱ Նովոստին: Սաբրան նշում է, որ խոսքը գնում է այսպես կոչված «Ազատ սիրիական բանակի» (ԱՍԲ) մասին, որը համարվում է ՍԱԽ զինված թևը: Այդ ջոկատները կազմավորվել են անցյալ տարվա աշնանը: