Հայ-իրանական համագործակցության 20-ամյակին նվիրված խորհրդաժողովի բացմանը ներածական խոսքով հանդես եկավ Հայաստանում Իրանի դեսպան Սեյեդ Ալի Սաղայանը:
«Հայաստանի ու Իրանի միջև հուսալի կամուրջ է կառուցված, որը թույլ կտա ակտիվորեն համագործակցել ու զարգացնել պետությունների հարաբերությունները, հատկապես մշակույթի ոլորտում»,-հայտարարել է նա:
Սաղայանը նշել է, որ այս դժվար իրավիճակում, որ ստեղծվել է աշխարհում, որտեղ բոլոր երկրները պատերազմի կոչ են անում, Իրանը շարունակում է բարեկամական հարաբերություններ պահպանել աշխարհի բոլոր երկրների հետ:
«Իրանն անփոփոխ դիրքորոշում ունի Ղարաբաղի հարցում և չի նահանջի դրանից»,-ասել է դեսպանը: Նա նաև նշել է, որ աշխարհում սպառազինությունների մրցավազք է սկսվել, որն աղետի կհանգեցնի: