ԱՄՆ պաշտպանության նախարար Լեոն Պանետտան չհայտարարված այցով ժամանել է Աֆղանստան: Ինչպես նշում է BBC-ն, ուղևորությունը ծրագրվել էր դեռևս նախքան ամերիկյան զինծառայողը գնդակոծեց 16 խաղաղ աֆղանցիների, սակայն նրա այցի ամսաթվի մասին կանխավ չէր հաղորդվել:

The New York Times տվյալների համաձայն` Պանետտան չի մեկնի Քանդահար գավառ, որտեղ տեղի է ունեցել այդ միջադեպը, սակայն նա կայցելի հարևան Գիլմենդ գավառ: Այնտեղ նախարարը կհանդիպի ամերիկյան զորակազմի և Վրաստանից զինվորականների հետ: Բացի այդ ծրագրված է Պանետտայի հանդիպումը Աֆղանստանի նախագահ Համիդ Քարզայի հետ: