Ադրբեջանում ձերբակալել են միանգամից 22 մարդ` Բաքվում ԱՄՆ և Իսրայելի դեսպանատների վրա հարձակում նախապատրաստելու կասկածանքով, հայտնել է Ադրբեջանի ազգային անվտանգության նախարարության հասարակական կապերի կենտրոնը: Բոլոր ձերբակալվածները Ադրբեջանի քաղաքացիներ են, և համաձայն ունեցած տվյալների, համագործակցել են Իրանի Իսլամական հեղափոխության պահակային կորպուսի հետ: Ըստ այդմ, հարուցվել է քրեական գործ:
Վերջերս Բաքուն և Թեհրանը փոխանակվել են ամուր և անխախտ բարեկամության մասին խոստումներով: Ադրբեջանում կտրականապես հայտարարել են, որ ոչինչ և ոչ ոք չի կարող խանգարել երկու երկրների համագործակցությանը:
Ադրբեջանը երկակի խաղ է խաղում` մի կողմից Իրանի հետ սերտ հարաբերություններ հաստատելով և բարեկամության երդումներ տալով, մյուս կողմից` ձերբակալում է «իրանցի լրտեսների»:
