Հայաստանի իշխանությունները մտադրվել են չգրանցել մեծամասնական ընտրակարգով թիվ 10 ընտրատարածքում առաջադրված Խաչատուր Սուքիասյանի թեկնածությունը և թույլ չտալ նրա մասնակցությունը առաջիկա ընտրություններին:
Այս խնդիրը լուծելու նպատակով ՀՀ ոստիկանության անձնագրերի և վիզաների վարչությունն անվավեր է ճանաչել Խաչատուր Սուքիասյանին մի քանի օր առաջ տրված տեղեկանքն այն մասին, ըստ որի` նա վերջին հինգ տարում մշտապես բնակվել է Հայաստանում և ՀՀ քաղաքացի է հանդիսացել: Թիվ 10 ԸԸՀ նախագահ Սամվել Յազրյանը «Հայկական ժամանակի» թղթակցի հետ զրույցում ասել է, որ երեկ իրենք ոստիկանությունից գրությունն են ստացել, որով տեղեկացվել են, որ Սուքիասյանի տեղեկանքն անվավեր է ճանաչվել: «Ոստիկանությունից ենք փաստաթուղթ ստացել, որ իր (Սուքիասյանի) հինգ տարվա տեղեկանքը մի հատ տրամադրել են, հիմա չեն տրամադրել»,- ասել է Յազրյանը: Թերթի տեղեկություններով, Սուքիասյանը մտադիր է դիմել դատարան:
Եթե նրա տեղեկանքի հարցը չլուծվի, նա չի կարոդ ընդգրկվել նաև Հայ ազգային կոնգրեսի համամասնական ցուցակում:
