Թուրքիայի զինված ուժերը հաստատել են Աֆղանստանում 12 զինծառայողների մահը
Թուրքիայի զինված ուժերի գլխավոր շտաբը հաստատել է Աֆղանստանում ուղղաթիռի վթարի արդյունքում 12 զինծառայողների մահը:
Ավիավթարը տեղի է ունեցել մարտի 16-ին Քաբուլի արվարձանում: Ուղղաթիռն ընկել է Բագրամի թաղամասի տան վրա: Նախնական տվյալների համաձայն` վթարի պատճառ են դարձել տեխնիկական խոտանները:
Ներկայումս փրկարարները որոնողական աշխատանքներ են իրականացնում, որպեսզի համոզվեն, որ ինքնաթիռի և տան ավերակների տակ զոհվածների մարմիններ չեն մնացել:
Աֆղանստանի տարածքում զինվորական ծառայություն են անցնում 1800 թուրք զինվորականներ, հաղորդում է ՌԻԱ Նովոստին:
