Այսօր Երևանում կայացած մամլո ասուլիսում Ջավախքի հայկական կազմակերպությունների խորհրդի համակարգող Արտակ Գաբրիելյանը հայտարարել է, որ ՀՀ կառավարությունը բավարար ջանքեր չի գործադրում Ջավախքի խնդրիների լուծման համար:
Նա նշել է, որ Վրաստանի հետ բարձրագույն մակարդակով բանակցությունները միշտ ընթանում են «բարեկամության և փոխըմբռնման մթնոլորտում», ընդ որում խնդրահարույց հարցերն, առաջին հերթին, ջավախահայերի խնդիրներն, անտեսվում են կամ շրջանցվում: Որոշ դեպքերում, ըստ Գաբրիելյանի, հայկական իշխանությունները Ջավախքի խնդիրը ներառում են Վրաստանի հայ համայնքի խնդիրների շրջանակնում, սակայն, բոլորին է հայտնի, որ այդ խնդիրները տարբեր են: