«Զվարթնոց» օդանավակայանը մարտի 20-ից նոր սակագներ է կիրառելու «Արմավիայի» սպասարկման համար
«Զվարթնոց» օդանավակայանի և «Արմավիա» ընկերության միջև բանակցությունները մոտենում են ավարտին: Կողմերը պայմանավորվել են, որ «Արմավիան» շարունակելու է փակել պարտքերը «Զվարթնոցի» հետ պայմանավորված ժամկետում:
Միաժամանակ «Զվարթնոց» օդանավակայանը մարտի 20-ից սկսկում է նոր սակագներ կիրառել «Արմավիայի» սպասարկման համար, հայտնել են Հայաստանի Քաղաքացիական ավիացիայի գլխավոր վարչությունից:
Ինչպես հայտնի դարձավ PanARMENIAN.Net-ին հավաստի աղբյուրներից, միաժամանակ պարզ է դարձել, որ «ՌոսՆավիգացիան» արդեն վաղուց հայտնել է «Արմավիա» ընկերությանը այն մասին, որ նրա համար թռիչքների սահմանափակումներ չկան:
Հարկ է նշել, որ «Զվարթնոց» օդանավակայանը և ազգային ավիափոխադրող «Արմավիան» աշխատում են աշխատանքայի ռեժիմով: Բոլոր չվերթերն իրականացվում են ժամանակին:
