Այսօր` մարտի 21-ին 92 տարեկան հասակում իր մահկանացուն է կնքել իտալացի ականավոր գրող և սցենարիստ Տոնինո Գուերան:
Գուերան աշխատել է այնպիսի հանրահայտ կինոռեժիսորների հետ, ինչպիսիք են Ֆելինին, Անտոնիոնին, Տարկովսկին և այլոք: Սցենարիստի հուղարկավորության մանրամասների մասին ոչինչ առայժմ հայտնի չէ:
Նրա աշխատանքները բազում անգամներ առաջադրվել են աշխարհի հեղինակավոր մրցանակաբաշխություններում: «Ոսկե ծիրան» երրորդ կինոփառատոնի ընթացքում համաշխարհային կինոյում ունեցած վաստակի համար նրան հանձնվել է «Փարաջանովյան թալեր» մրցանակը:
Բացի դրանից, նրա «Մեղրը» պոեմի հիման վրա Գ. Սունդուկյանի անվան ազգային ակադեմիական թատրոնում բեմադրվել է ներկայացում: