Բելառուսի, Իրանի, Սիրիայի հանդեպ Եվրամիության տնտեսական պատժամիջոցները նպատակ ունեն փոխելու վարչակարգերը, հայտնել է ԵՄ առընթեր ՌԴ մշտական ներկայացուցիչ Վլադիմիր Չիժովը: Ընդ որում նա նշել է, որ Մոսկվան անուշադրության չի մատնի Եվրամիության կողմից ծրագրվող պատժամիջոցները Բելառուսի հանդեպ, քանի որ դրանք կարող են վերաբերել նաև Ռուսաստանին:
«Ես բազմիցս բավական հաստատակամորեն նախազգուշացրել եմ մեր ԵՄ գործընկերներին, որ տնտեսական պատժամիջոցները, հաշվի առնելով Բելառուսի, Ռուսաստանի և Մաքսային միության տնտեսությունների ինտեգրացիայի աճող մակարդակը և Եվրասիական տնտեսական միությանն անցնելու հեռանկարները, արդեն ավելի անմիջական ազդեցություն կունենան այդ թվում և ռուսական շահերի համար և անուշադրության չեն մատնվի»,- ասել է Չիժովը, հաղորդում է interfax.ru-ն:
