Առնոլդ Շվարցենեգերը ապրիլի 22-29-ը հայտարարել է Կալիֆորնիայում Հայոց ցեղասպանության հիշատակի շաբաթ12 ապրիլի 2007 - 14:23 AMT PanARMENIAN.Net - Կալիֆորնիայի նահանգում ապրիլի 22-29-ը հայտարարվել է Հայոց ցեղասպանության զոհերի ոգեկոչման շաբաթ: Այդ մասին PanARMENIAN.Net ին են հաղորդել Ամերիկայի Հայ Դատի հանձնախմբում (ANCA): Ինչպես ասվում է նահանգապետ Առնոլդ Շվարցենեգերի հայտարարության մեջ, «1915-1923 թթ. Առաջին համաշխարհային պատերազմի քաոսում մեկ միլիոնից ավել հայ տղամարդիկ, կանայք եւ երեխաներ սպանվել են Օսմանյան Թուրքիայում, հարյուր հազարավորները փախել են այլ երկրներ, զրկվելով ունեցվածքից, ազգային պատկանելությունից եւ հայրենիքից: Շատերը ապաստան են գտել ԱՄՆ-ում, Կալիֆորնիան տուն է դարձել Հայաստանի Հանրապետությունից դուրս ամենամեծ հայ համայնքներից մեկի համար: Կալիֆորնիայի շատ հայ ընտանիքներ Ցեղասպանությունից փրկվածների ժառանգներն են, որոնք խաղաղ ապրելու իրենց հույսը կապեցին մեր հողի հետ: Ինչպես եւ նախկինում ԱՄՆ հայ համայնքը բարգավաճում է եւ մեծ ներդրում է կատարում մեր պետության եւ ժողովրդի զարգացման գործում: Փաստացիորեն որպես 20-րդ դարի առաջին ցեղասպանություն համարվող Հայոց ցեղասպանությունն առ այսօր ուրացվում է: Ես պնդում եմ, որ բոլոր ազգերը պետք է ուսումնասիրեն իրենց պատմության ցավոտ էջերը, քանի որ ցեղասպանության ժխտումը թույլ չի տա ապագայում բուժել ազգի վերքերը: Թեեւ 90 տարուց ավելի է անցել, ինչ կատարվել են հայերի այդ զանգվածային սպանությունները, այդ ոճրագործության արձագանքները զգացվում են ողջ աշխարհում: Մենք պարտավոր ենք ճանաչել անմեղ զոհերի գազանային սպանությունները, հիշել նրանց տառապանքների մասին եւ երդվել կանխել ցեղասպանություններն ապագայում: Ես միանում եմ Կալիֆորնիայի հայ համայնքին եւ ողջ աշխարհի հայությանը եւ հիշատակի տուրք եմ մատուցում նրանց հիշատակին, ովքեր սպանվեցին եւ հետապնդումների ենթարկվեցին Հայոց ցեղասպանության ժամանակ, եւ կոչ եմ անում աշխարհի բոլոր մարդկանց երբեք չմոռանալ այդ ահավոր հանցագործությունը` կատարված մարդկության դեմ: Այդպիսով, ես, Առնոլդ Շվարցենեգերս, Կալիֆորնիայի նահանգի նահանգապետը ապրիլի 22-29 շաբաթը հայտարարում եմ «Հայոց ցեղասպանության հիշատակի օրեր»: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Տոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումները Կիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը» Փաշինյանը ԵԱՀԿ ՄԽ Ֆրանսիայի համանախագահի հետ քննարկել է տարածաշրջանային հարցեր Քննարկվել են Հայաստան-Ֆրանսիա համագործակցության հետևողական զարգացմանը վերաբերող օրակարգային հարցեր Ադրբեջանցիները քանդել են Շուշիի Կանաչ ժամը Արբանյակային լուսանկարները հաստատում են, որ եկեղեցին ոչնչացվել է 2024 թվականի փետրվարին |