Տնտեսական ճգնաժամը չի ազդել «Արմենիան Դեյթաքոմ Քամփնի»-ի գործունեության վրա 3 փետրվարի 2009 - 18:47 AMT PanARMENIAN.Net - Տնտեսական ճգնաժամը չի ազդել «Արմենիան Դեյթաքոմ Քամփնի» ՓԲԸ-ի գործունեության վրա: Այդ մասին Երեւանում կայացած մամլո ասուլիսի ժամանակ հայտնեց «Արմենիան Դեյթաքոմ Քամփնի» ՓԲԸ գլխավոր տնօրեն Հարալդ Գրիթենը: «Նախ, մենք «Դելտա փարթներս»-ի հետ ներդրումների մասին բանակցությունները սկսել ենք տնտեսական ճգնաժամից շատ առաջ»,- հաղորդեց նա: Հարալդ Գրիթենի խոսքով, դեռեւս նախքան ի դեմս Դուբայի «Դելտա փարթներս» ներդրումային ընկերությանը նոր գործընկեր ներգրավելը, ADC ընկերության մեջ արդեն կատարվել էին ավելի քան 6 մլն դոլարի ներդրումներ:«Թեեւ բանակցությունների գործընթացը շատ ժամանակ է պահանջում, մեզ հաջողվեց ավարտել այն տնտեսական ճգնաժամի ամենաբուռն պահին»,- ավելացրեց նա` նշելով, որ դա վկայում է այն մասին, որ նոր ներդնողը ըմբռնումով է մոտեցել ընկերության հնարավորություններին, շաուկայում նրա զբաղեցրած տեղին, վարած բիզնեսին, ինչպես նաեւ կարողացավ ճիշտ գնահատել Հայաստանը` որպես ներդրումների համար բարենպաստ երկիր: Իսկ ինչ վերաբերում է բնակարանային բաժանորդներին ADC ընկերության հատկացրած ծառայությունների գներին, ապա, ինչպես ասաց ADC գլխավոր տնօրենը, դրանք հարմարեցվելու են շուկայական գներին, բայց որակով չեն զիջելու այլ ընկերությունների հատկացրած նույնանման ծառայություններին: Նշենք, որ Հայաստանում այդպիսի ծառայությունները միջին հաշվով սպառողների վրա նստում են ամսական 8-10 հազ. դրամ: Մամլո ասուլիսի ընթացքում Հարալդ Գրիթենը պարզաբանեց «ծառայությունների ինտեգրված փաթեթի» իմաստը. «Ծառայությունների մատուցման ժամանակ մենք ցանկանում ենք մեկ փաթեթի մեջ ընդգրկել զանազան ծառայությունների ամբողջությունը, այն է` հիմնական Ինտերնետ + հավելյալ ծառայություններ: Նրա խոսքով, փաթեթի մեջ ընդգրկված ծառայությունների մի մասը հատկացնելու է ADC-ն, իսկ հավելյալ ծառայությունների սպասարկման համար հրավիրվելու են նաեւ այլ գործընկերներ: «Առաջին հերթին ծառայությունների ընդհանուր փաթեթի մեջ մտնելու են IP-հեռահաղորդակցությունը եւ մեդիային հատուկ էլեկտրոնային ծառայությունները»,- ասաց ADC գլխավոր տնօրենը: Ինչպես ասվեց մամլո ասուլիսին, ADC գործունեության «առանցքային քարը» Ինտերնետ-ծառայությունների որակյալ փաթեթի (0.5-2 մեգաբիթ արագությամբ) հատկացումն է լինելու եւ ներդրումներից ստացված եկամուտների ձեռքբերումը անգամ տնտեսական ճգնաժամի պայմաններում: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |